Консултации со М-р. К.Кајшаров

1. За охрабрување и полетност

Доколку се чувствуваш изгубено меѓу твоите цели и туѓите очекувања кои ти се наметнати, може да се чувствуваш растргнато и демотивирано.
Во заедничка соработка би можел не само да излезеш од тековната состојба туку и да изградиш одлучност, да придобиеш смелост за да превземеш избори и да научиш како ја следиш вистинската визија за себе и својот живот.

2. За разрешување на состојбите

Страв, акнсиозност, паника, немир, се состојби кои не секој може да ги разбере дури и кога ги споделуваш на најблиските. До кога ли ќе траат тие сосотојби? Реални ли се симптомите кои ги чувствуваш и ти алармираат дека можеби те чека нешто непријатно? Како да се надмине бурата од мисли, тежина и слабост?
Во заедничка соработка би можел не само да добиеш одговори на овие прашања, туку и да откриеш која е причината за овие состојби и како да превземеш контрола над истите.

3. За оттргнување на бариерите

Можеби копнееш да достигнеш нешто повеќе во животот, можеби посакуваш да си поуверен и искусиш целосна реализација, но не знаеш како. Доколку се чувствуваш како да стагнираш или живееш како во “смола” соочен со истоштеност и рамнодушност, време е да дојдеш до твојата отскочна даска. Во заедничка соработка ќе го разгледаме твојот систем на верувања и убедувања за да ги откриеме сите блокади, а потоа заеднички да дојдеме до твојата отскочна даска за да скокнеш во новите успеси и предизвици.

4. За надминување на зависности
Дали зависиш од луѓето? Можеби си зависник од интернет, кофеински и алокохолни пијалоци, храна, пари, шопинг, игри на среќа, тутунопушење, наркотични средства и друго? Тоа не значи дека си лош или слаб човек, туку личност која не знае да се третира себе си со доволно почит и љубов. Некои луѓе бараат прибег од реалноста, некои со болка во срцето бараат утеха, а некои се задоволуваат со површни задоволства низ зависностите, но данокот на истите е голем. Во заедничка соработка според мојот метод (Кајшаров метод) би ги согледал твоите силни страни, би те поттикнал како да се грижиш за себе си и да ја надминеш самодеструктивната програма која се пројавувала низ тенденцијата да зависиш од она кое те уништува.